BandungBergerak.id – Opini ieu muncul, sa atos nonton video YouTube Lembur Pakuan anu judulna Bandung Terancam Darurat Sampah ini Langkah KDM dengan Walikota dan para Bupati. Ngabahas deui perkawis persoalan Sampah di Cekungan Bandung utami di Kota Bandung.

Sebagai warga kota, tangtos abdi rada reuwas oge di kota Bandung bade di gencarkeun tungku bakar sampah (insenerator) raraga ngamusnahkeun sampah anu di hasilkeun warga kota. Jol abdi teh inget kana Chanel YouTube Akbar Faizal anu judulna Sejarah Baru Kota Asia Afrika “Penyiar Radio jadi Wali Kota”. Podcast sareng Pa Wali Kota Muhammad Farhan sa atosna ka pilih, jujur abdi resep pisan ningal pa wali kota beberebetan nyarioskeun solusi sampah kota salasahijina enya eta nyarioskeun sampah Food waste. Di dinya abdi yakin pa wali kota gaduh data (primer sekunder) lamun teu gaduh data moal beberebetan model kitu, bari hate leutik nyarios enya, enya atuh gaduh data mangkana pa wali wani ngadu visi misi oge.

Tapi da sebagai warga kota abdi oge kirang uninga langkah-langkah teknis pa wali kota raraga ngarengsekeun persoalan sampah ieu, anu jelas anu tadina ngarengsekeun ngangge cara Pendekatan Budaya plus oge ngangge cara ngadamel pengolahan sampah terpadu ngalibatkeun Kabupaten/Kota di Cekungan Bandung kitu anu abdi dangu di Podcast Akbar Faizal. Pas abdi nonton YouTube Lembur Pakuan (Bandung Terancam Darurat Sampah ini Langkah KDM dengan Walikota dan para Bupati) naha kitu ayeuna mah raraga menyelesaikan persoalan sampah teh di duruk ku tungku bakar anu namina insenerator? Naha janten asa tebih pisan kanu cariosan kapungkur anu semangatna ka hal Edukasi + praktek “Budaya”. Ditambih deui dina dokumen RPJMD Provinsi Jawa Barat 2025-2029, salapan langkah ngawangun jabar Istimewa program unggulan dina Langkah ka dalapan “pengembangan pengelolaan sampah mandiri hingga ke tingkat RT”. 

Abdi teh sebagai warga kota janten ngahuleng bari hate leutik nyarios, ma enya pa walikota teu apal yen sampah kota anu unggal dinten di hasilkeun teh seseurna sampah organik tapi ma enya we ah teu apal? Da jentre pa wali kota nyarios di Podcast Akbar Faizal ditambih deui  da data sareng informasi perkawis sampah kota bandung mah tos jentre pisan. 

Komo sampah ti pasar mah tos pasti weh seur pisan organikna. Di emutan deui kumaha cara ngaduruk sampah campur anu seurna organik tina tungku bakar (insenerator)? Da sampah salian ti organik mah, model sampah plastik (botol, gelas) anu bakalan janten artos eta mah tos seur para pengumpul sampah anu nyandakan teu kedah di piwarang oge da apal eta mah pi artoseun. 

Baca Juga: Pemilahan Sampah Organik di Kota Bandung Sering Menemui Kendala
Pengurangan Sampah Kota Bandung Belum Signifikan, Pengoperasian TPPAS Regional Legok Nangka Masih Lama
Pasar Lama Ciparay Dipenuhi Sampah, ke Mana Peran Aparatur Desa?

Sampah Organik

Jol abdi teh kukulutus; ti baheula oge anu matak janten rudet sampah di kota teh sanes sampah non organik tapi sampah organikna anu teu di pilah (matak bau) bade ti tempat usaha bade ti warga bade ti pasar oge, da memang oge teu sadayana warga kota bandung anu sakitu rebu RT sareng RW-na gaduh halaman (taman) kangge ngadamel biopori (ngalebetkeun organik) tapi da sebagai wali kota ma enya teu apal kumaha kondisi bangunan (bumi) wargana. Bet tipungkur pa wali kota wani ngadu visi misi hoyong janten wali kota oge pasti tos apal, seluk beluk Kota Bandung.  

Pantesna ieu mah (nuju berangan angan) tapi da percanten ka pa wali kota mah pasti tos ngukur ku pabeulitna persoalan Kota Bandung salah sahijina enya eta urusan sampah ieu. Rengse belanja (APBD) Sumber Daya Manusia (edukasi + praktek) teh hade lamun pa wali kota langsung kapikiran anu paling teknis anu sok seur di praktek keun ku komunitas enya eta, mesin pencacah organik kangge sampah anu sesah terurai da aya tulang hewani. Aya bonggol-bonggolan tilas sayuran anu secara waktu penguraian rada lami lamun teu di cacah (jadi lembut), tangtos tiasa oge ngangge mangot, metode Takakura setiap bumi /masing masing RT-na, da sanes hal anu baru metode ieu di angge kangge menangani sampah organik. 

Intina seur cara pisan, sanes ayeuna wae urusan sampah di Kota Bandung mah, komo deui lamun rengse teknis eta ditunjang deui ku masing-masing RT, RW, ageungna Kelurahan, aya lahan kangge memproses sampah organik, janten sampah organikna dikelola skala kawasan anu alit. Percanten ka pa wali kota mah hal teknis ieu komunitas-komunitas tos di dongkapan. Komo deui komunitas anu tos lami konsisten anu optimis berpraktek dalam mengelola sampah khususna organik. Lajeng nyanggakeun kangge pengelolaan sampah anu aya dipasar sareng tempat dunia usaha mah, da pa wali kota gaduh tim kerja anu langkung sae pas dina bidangna.

Panutup ti abdi sebagai warga kota. Pa wali kota punten pisan, urusan sampah kota mah sanes sa ukur urusan tungku bakar (insenerator) anu bisa jadi malah nambih masalah berikutna, percanten ka pa wali mah da visi misina oge sae pisan kangge ngawujudkeun Bandung UTAMA. 

*Kawan-kawan dapat membaca esai-esai menarik lainnya tentang Bandung